લકવામાં ત્રણ જ દિવસમાં ઝડપી અને અસરકારક ફાયદો....

આજની સત્ય-આરોગ્યકથામાં આપણી સાથે છે શ્રી. વિરેન્દ્રભાઈ અંબાલાલભાઈ ઠાકર, કાંકરિયા, અમદાવાદ. ઉમર આશરે 58 વર્ષ. વિરેન્દ્રભાઈને જાણનારા લોકો એમને મનમોજી કહે છે કારણકે જ્યારે જ્યારે શારીરિક તકલીફ કે બીમારી આવી છે ત્યારે આવા ઈલાજ કર્યાં છે. એમનાં માતૃશ્રી.ને જ્યારે કોલેસ્ટ્રોલ વધું આવ્યું ત્યારે પણ એમણે જાતે જ પ્રયોગ કરાવીને ઘટાડેલું જેની વાત આપણે ફરી ક્યારેક કરીશું.

મૂળ વાત છે લકવા(પેરાલિસીસ)ની. મે, 2021માં લકવાનો હુમલો થયો જેમાં એમનું ડાબું શરીર અસરગ્રસ્ત થયેલું. આવી ગંભીર સ્થિતિમાં, સૂતાં સૂતાં જ સળંગ ત્રણ દિવસ સુધી અપાનવાયુ મુદ્રાનો વધુમાં વધુ પ્રયોગ કરેલો. સળંગ 15-20 મિનિટ સુધી મુદ્રા કરે, વળી હાથને જરાક આરામ આપે અને ફરીથી 15-20 મિનિટ માટે મુદ્રા કરે. જ્યારે જાગતાં હોય ત્યારે વધુમાં વધુ સમય આ મુદ્રા કરતાં રહ્યાં. એમનાં શબ્દોમાં માત્ર ત્રણ જ દિવસમાં 80 ટકાથી વધુ ફાયદો મળ્યો.

જ્યારે લકવાનો હુમલો થયેલો ત્યારે વિરેન્દ્રભાઈએ એમનાં ગુરુજીને ફોન કરેલો. ગુરુજીની સલાહ મુજબ એમણે આ પ્રયોગની સાથે સાથે એક વખત ચાર ચમચી જેટલું તલનું તેલ પીધું. વાચકમિત્રો, અપાનવાયુ મુદ્રા એ પેટમાંથી ઉપર, અવળી દિશામાં જતાં વાયુનું જોર ઘટાડે છે. તલનું તેલ અને દિવેલ પણ પરમ વાયુનાશક છે. બી.પી. વધી જાય, હૃદયરોગનો હુમલો થાય, છાતીમાં કોઈપણ કારણસર દુઃખતું હોય, માથામાં દુઃખાવો થાય ત્યારે આ દરેક તકલીફમાં અપાનવાયુ મુદ્રા કરવાથી તરત ફાયદો મળે છે.

આ સિવાય જે લોકોને મોશન સીકનેસ હોય એટલે કે મુસાફરી કરતી વખતે ઊલટી-ઊબકાની તકલીફ હોય, પહાડી વિસ્તારમાં જ્યારે કાર-બસ ઉપર જાય ત્યારે માથું ચડે, ઊબકા આવે, વિમાનમાં બેઠાં પછી ઊંચાઈ પર ગયા બાદ કાનમાં દુઃખે કે ઊંચાઈથી તકલીફ થાય વગેરેમાં પણ અપાનવાયુ મુદ્રા રામ-વિષ્ણુ-શંકરબાણ ઈલાજ છે. આવી બધી તકલીફોમાં આ મુદ્રા સળંગ વધુ સમય પણ કરી શકાય. હાથ દુઃખે ત્યારે એને જરાક આરામ આપીને ફરીથી કરી શકાય.

ગર્ભવતી મહિલા, ફરતાં વાનાં દર્દી અને મુદ્રાની આ સ્થિતિમાં હાથ લાવ્યાં બાદ જેમને દુઃખાવો થતો હોય કે હાથમાં તકલીફ થતી હોય એ સૌએ આ મુદ્રાનો કોઈની સલાહ વિના અમલ ન કરવો. લકવાની તકલીફમાં મુદ્રાની સાથે સાથે નિષ્ણાતની સલાહ લઈને તલનું તેલ કે દીવેલ પણ એકથી બે ચમચી જેટલું લાંબા સમય સુધી લઈ શકાય છે.

મુદ્રાની સાથે સાથે સૂર્યનો તડકો(સનબાથ) લકવામાં ઘણી ઝડપી રિકવરી લાવી શકે છે. માથું-મોં ઢાંકી, કોટનનાં પાતળાં કપડાં પહેરીને સૂતાં સૂતાં એક કલાક કે વધુ સમય પણ તડકો લઈ શકાય છે. અહીં મુદ્રાનો ફોટો છે અને અમારી યૂ-ટ્યૂબ ચેનલમાં અપાનવાયુ મુદ્રા કઈ રીતે કરી શકાય એનો વિડીયો પણ છે. દોસ્તો, આ બ્લોગને શેયર કરવા નમ્ર વિનંતી. આપનાં શેયર કરવાથી કોઈકનો લકવો ઘટે કે મટે છે ત્યારે એનાં જીવની સાથે સાથે પ્રભુ આપનાં મનને પણ ચોક્કસ શાંતિ આપે છે. આભાર, પ્રભુ આપનું કલ્યાણ કરે,

મુકેશ પટેલ, નિહાર ચેરિટેબલ ટ્રસ્ટ, અમદાવાદ.