વાઈરલ ફિવરમાં શરીર તૂટે અને મોં કેમ કડવું થાય છે?

વાઈરસ એ જંતુ નથી પરંતુ ઝેરી પદાર્થ છે….

હવામાં ગણી ન શકાય એટલાં જંતુઓ (બેકટેરિયા વગેરે) છે. વાઈરસ નામનો ઝેરી પદાર્થ બીજા જંતુઓ પર બેસીને કે હવા, પાણી, ખોરાક મારફતે શરીરમાં પ્રવેશે છે. આવા વાઈરસ અને જંતુઓને બહાર કાઢવા, મારી નાખવા શરીર લડાઈ કરે છે જેને કારણે તાવ આવે છે. તાવમાં ઝેરી પદાર્થ બળે છે, જંતુઓ મરે છે.

શરીરની આવી લડાઈ ચાલતી હોય ત્યારે માથું દુખે, અશક્તિ લાગે છે. જાણે કે, શરીર કહી રહ્યું છે: ” મારું ઓપરેશન ચાલી રહ્યું છે. તમે મગજને શાંત અને શરીરને આરામમાં રાખો..!”. આપણું લિવર 500 કરતાં પણ વધુ પ્રકારનાં અલગ અલગ કામ કરે છે. આમાં આહારને પચાવવાનાં અને ઈન્ફેકશન (ચેપ) સામે લડવાનાં બે ખૂબ મોટા કામ પણ લિવરે કરવાનાં હોય છે. લિવર આપણી અંદરનો સૂર્ય છે.

ચેપને દૂર કરી આપણને જીવતાં રાખવા એ લિવર માટે વધું મહત્વનું છે. આથી, વાઈરલ ફિવર કે અન્ય તાવ વખતે આપણી ભૂખ સાવ ઘટી જાય છે, મોં કડવું થઈ જાય છે. આ શરીરની, કુદરતની પોતાની જ ભાષા છે. અહીં આપણી બુદ્ધિનો અવળો ખેલ શરૂ થાય છે. કેમકે, ખાવું એ આપણી જરૂરિયાત ઓછી અને આદત વધુ છે..! આવા સમયે જેમ ખાઈએ એમ બીમારી લાંબી ચાલે છે.

મોસંબી, પોચા પેરુ, સફરજન, ચીકું, રાબ, મગનું પાણી, ખરેખર ભૂખ હોય તો જ ઢીલાં મગ, સૂપ વગેરે લેવાય ત્યારે એને પચાવવા લિવરને ઘણી ઓછી મહેનત કરવાની રહે છે.

તાવ, ગળાં તેમજ માથામાં દુઃખાવો, અશક્તિ માટે કેટલાંક ઈલાજ: ગળાની તકલીફ ઘટાડવા કે મટાડવા હળદર, જેઠીમધ, તાવ માટે મહાસુદર્શન ઘનવટી-પાવડર, અશક્તિ માટે ઉપર આપેલો સુપાચ્ય આહાર અને આરામ જરૂરી છે. તકલીફ ઘટશે એટલે માથાનો દુખાવો ઘટવા લાગશે. જ્યાં સુધી અશક્તિ છે, ત્યાં સુધી સ્નાન ન કરવું જોઈએ. સ્નાન કરતી વખતે લોહી peripheri (ચામડી કે શરીરનો બહારનો ભાગ)માં આવે છે, જે માટે શરીરને ખૂબ શ્રમ પડે છે.

મુકેશ પટેલ, નિહાર ચેરિટેબલ ટ્રસ્ટ, અમદાવાદ.

ચેતવણીઃ અહીં આપવામાં આવતાં બ્લોગ કે લખાણનો હેતુ જનકલ્યાણનો અને જન-જાગૃતિનો છે. સારવાર ચિકિત્સકનાં માર્ગદર્શન હેઠળ કરવા વિનંતી.

>>>શ્રાવણનાં ઉપવાસ ભારે પણ પડી શકે છે..!>>>